Обратите внимание

Запрошуємо Вас взяти участь у Третьому Всеукраїнському конкурсі православних педагогів
02.06.2014, 12:10
Зміни МОН України до Типових начальних планів щодо викладання курсів духовно-морального спрямування
30.05.2014, 11:38
ВНИМАНИЮ РОДИТЕЛЕЙ! Дополнительная информация о курсе "Библейская и стория и христианская этика"
05.04.2013, 10:52
ВСЕУКРАЇНСЬКЕ ПРАВОСЛАВНЕ ПЕДАГОГІЧНЕ ТОВАРИСТВО ПРОВОДИТЬ ДУХОВНО-ПРОСВІТНИЦЬКІ ЛЕКЦІЇ-БЕСІДИ НА БАЗІ ПНПУ ІМ. КОРОЛЕНКА
31.10.2012, 10:11
Задать интересующий вопрос и поучаствовать в обсуждении актуальных тем мы также можем в социальной сети "В КОНТАКТЕ"
16.03.2012, 13:44
РОЗПОЧАВ РОБОТУ КОНСУЛЬТАЦІЙНИЙ ПУНКТ З ПИТАНЬ ВИКЛАДАННЯ ПРЕДМЕТІВ МОРАЛЬНО-ДУХОВНОГО СПРЯМУВАННЯ
15.03.2012, 12:20
Православный спортивно-туристический клуб "КРОК"
07.02.2012, 11:26
Изменения в работе форума.
30.01.2012, 18:42

Ссылки

Код нашей кнопки

Преподобный Феодосий Киево-Печерский

 

Поученіе объ умѣренности въ застольномъ питьѣ.

 

Услышите братіе извѣстно. яко обѣднѣ и трапезѣ двѣ молитвы еста. едина вначалѣ а другая въ конець установлена самѣмъ Господемъ. потомъ апостолы и тако святыми отцы. установлено же есть и кутья въ похвалу святымъ крестити и въ честь. и кутья за упокой умершимъ крестити. а обѣда и ужины крестити за упокой не уставлено. ни водою покропляти. ни яицъ на кутіи класти крестяще. тропарей же въ пиру лише трехъ не вѣлено молвити. обѣдъ поставится Христосъ Богъ славится. и сѣсти пити лѣпо есть. обѣдающе же пустошныхъ не глаголати. Нифонтово воспоминающе видѣніе. иже человѣка видѣ съ женою и съ дѣтьми обѣдающа. предъ ними нѣкія въ красныхъ стояще ризахъ. числомъ елико ядущихъ. Нифонтъ же чюдяся моляше Бога. да проявитъ. бѣша бо обѣдающе убози. и стояще въ чистыхъ одеждахъ. откры ему Богъ. яко ангели суть. никогда бо не отходятъ блюдуще вѣрныя. но егда смѣхъ или кощуны начнутъ. ли клеветами осужати кого. то отходятъ ангели. и бѣсъ пришедъ насѣваетъ злая. того деля останитеся неподобныхъ глаголати обѣдающе. егда же отобѣдаютъ. Дѣва Марія Господа рождьшая славити. а третье государю. лише же не велимъ. а и сами въ писаніи пытайте. како ти Богородица къ святому Василію рекла. аще мя заступницу въ бѣдахъ имѣти хощеши. другъ ми любимый будеши. питія многа отверзися и не молитвуй піянъ. не будеши услышанъ. но и паче разгнѣвиши Бога. аще бо кто упоитъ другаго нужею. да постится 7 дній. аще ли упоеныи блюетъ. да постится 40 дней. много о семъ въ правилехъ глаголетъ. но умнымъ се довлѣетъ. а не умнымъ аще бы всего міра книгъ сказанія повѣдася. ни ту вѣру имутъ. да аще писанію вѣры не имѣте. по дѣломъ разумѣйте. иже кто много піетъ съ тропари. како ти на колѣну ползати начнутъ. не мога итти на ногу своею. а друзіи валяются въ калу и блюя издохнути хощутъ. въ руганіе и посмѣхъ давъ себе. и хранителя душа своея ангела отгнавъ отъ себе. гдѣ тропари чашамъ творени. да ихъ быша избавили самохотнѣ бѣсящихся. бѣсный бо нужею терпитъ. небеснаго царства сподобится. а пьянчивыи волею бѣсится. наслѣдитъ огнь негасимыи. пришедши бо іерѣи сотворятъ молитву бѣсному. проженутъ бѣса. а надъ пьянымъ аще бы со всея земли сошлися попове и творили молитвы. то не могутъ прогнати самовольнаго бѣса запойства злаго. того деля святіи отцы отрекли многи тропари се чревоработницы уставили многія тропари глаголати во пиру. много хотячи пити. якоже апостолъ рече. ти чреву работающе а не Богу. ихъже Богъ чрево есть и слава пагуба имъ. но мы братіе потщимся въ трезвѣмъ умѣ Богу молитися а не піяни. да получимъ жизнь вѣчную о Христѣ Ісусѣ Господѣ нашемъ.

 

Источник: Памятники Древле-Русской духовной письменности: Преподобнаго Ѳеодосія Печерскаго поученіе объ умѣренности въ застольномъ питьѣ. // Журнал «Православный собесѣдникъ», Казань. — 1858 г. — Книга III. — С. 255-258.